1der einer böſen natur iſt .
2Auch Spricht der Meiſter das die /
3frucht ettwan kum̄e von der frowē
4jndem ʒehenden monat das rett er
5nit fúr ein gantʒe wãrheit Er ſchribt es dar⸗
6umb das die froũwen vnrecht rechenne /
7Sie vber rechent ettwan ein monat oder ʒwen
8Vnd wenet ettliche ſie hab indem Eilfften
9monat ein kint ſo iſt es doch jndem nũnden
10monat Ouch iſt ʒůwiſſen wann die /
11frucht von der můter libe kumpt vnder /
12dem nũnden monat inwelchem monat das
13iſt vnder dem nũnden monat So heiſſet
14die ſelbe frucht ein verlieſung der natur /
15Jnlatin genant Aborſus Darumb das ein
16ſölich frucht nit kumpt ʒů dem liecht / der
17welt lebend Vnd hat ein ſölich frucht ett
18wann ein geſtalt als milch Ettwan iſt es
19geſchaffen als ein fleiſchin klotʒ Die frucht
20iſt ouch indem erſten monat nit vaſt anhang
21end matrici Darumb ſo kumt es von einer
22lÿchten ſach wegen das ʒů der ʒit einer fro⸗
23wen ein kint abegẽt / recht als ein bom der
24aller erſt verblut hat / ſo mag lÿcht ein clein
25vnwetter kumen das die Junge frucht /
26ab den bomen felt Vnd meint das vil ſach
27Die erſt ſach iſt wann die materie die da
28heiſſet Embrio ʒerbrochen iſt / das nit ein /