1nenden kertʒen ʒweÿ ding ſint das erſt
2iſt die hitʒ des fures Das ander die feiß
3tung dauon das liecht brinnet Dar⸗
4umb als lang das öle oder ander ſchmaltʒ
5in ein tigol oder an einer kertʒen weret als
6das liecht Es ſÿ dann das es můtwillig
7lichen geirꝛt werd oder verleſchet ſo brint
8es Aber als bald kein feißtung oder kein
9öle me in der ampeln oder an der kertʒen
10ist So verliſcht das liecht Alſo iſt es /
11glicher wiſe von dem leben des diers wie
12lang die wurtʒeln fúchtekeit in dem tier
13lebt vnd wert die natúrlich hitʒ als lang
14ſtet ouch das leben des tieres es ſÿ dann
15das es freuenlich getötd werd mit eim
16ſchwert oder ſuſt mit eim ſiechtagen .
17

Nota

18Auch wil Auerꝛnis Ɉndem andeꝛn
19Bůch der ſele das die dier Eſ
20ſen vnd drincken von ʒweÿerleÿ
21ſach wegen die erſt das ſie dauon ge⸗
22ſpiſet werden Die Ander das ſie kúnden
23ander dier gebern Die fürung iſt dar
24umb geordiniert von der natur das /
25ein ieglich tier werd behalten in ſinem
26leben Das aber ein dier von dem an
27dern geborn wirt das iſt darumb geor⸗
28dinert Das die geſtalt der Tier nit
29verderben : .