1die da accidencia heiſſēt Vnd dauor geſchri
2ben ſint volgend ſunderlich der ſele nach ·
3

De creacione
4Coꝛpoꝛis

5Nũn iſt ʒů ſehen von der beſchöpffunge
6Vnd von der geſtalt des libes / der /
7frucht inder můter libe / der da wirt
8beſchöpffet von dem Embrion Ouch wirt
9der lib geſchöpfet / durch die volbringunge /
10vnd durch die wirckung der ſternen / die da
11planeten heiſſent / Wanne die erſt materie
12Embrionis / oder des menſchen der do geboꝛn
13ſol werden / die wirt geordiniert von der
14trúckunge vnd von der keltung des plane
15ten der da ſaturnus heiſſet das die ſelbe ma⸗
16terie ʒů ſamen getrucket vnd ʒů ſamen ge⸗
17lůpt wúrt vnd diſer materien von dem ſel⸗
18ben planeten ſaturno flúßt in die krafft des
19lebens / Vnd die naturlich bewegung wirt
20ir gegeben von den ſelben planeten Vnd wirt
21dann in in einer ſolichen materien inettlicher
22mãſſe redliche wirckung Vnd darumb
23die artʒat nach dem male das der ſame des
24mans kumpt ʒů der froũwen in die ſtatt
25die da heiſſet matrix ſo gebent ſie dem pla
26neten der da heiſſet ſaturnus den erſten
27monat der gantʒen geburt nach der beger
28ung / der natur des ſamen Vnd der ſelbe /
29planet mit ſiner keltung vnd mit ſiner /
30trúckenung den ſamen ʒů ſamen ʒwinget
31vnd ſtarck macht ∴