1als ich gloũb das die ſelben dier nach ir ge⸗
2ſtalt mögen werden one ſamen vnd mit
3ſamen als geſuntheit die ettwan wirt
4von kunſt wegen Ettwan von natur vnd
5das hat ein vnderſcheid Wann die vol
6kom̄en dier werdent núm̄er geborn one
7ſamen Aber die meinung Auicenna die
8wolt ein widerwertkeit daran das die
9volkom̄en dier on ſamen vnd mit ſamen
10wũrden geborn Als dauor Auicenna
11geſchriben hat Anderwerb hat Ariſto⸗
12tiles ein vnderſcheid von Auicenna wan̄
13nach ſiner lere jndem Erſten Bůch me⸗
14theuroꝝ die gemein verdilgung aller
15dier die da kumpt von fúr oder von /
16waſſer das iſt vnmúglich das die wer
17de inder natur Vnd was das meÿn das
18die werde inder natur tier núm̄er kún
19den verderben gentʒlichen vnd gar mit
20waſſer oder mit fuẽr Das bewert der
21herʼ Alberthus vnd ſpricht das das
22ſintfluße wirt von eim geſtirn das da
23fůcht macht Vnd darumb iſt das das
24fúcht machend geſtirn einem teÿl deß
25erterichs beſchauwet vnd da fúchtung
26macht vnd ſintflúße So iſt ein ander ge⸗
27ſtirn das ein widerweͣrtig wúrckung
28hat vnd trúckenung macht das iſt an
29eim andern ende vnd teil des erterichs
30Vnd macht trúckenung an dem ſelben
31andern teil des erterichs da danne das
32trucken geſtirn ſin ÿnflieſſen hãt Vnd