1Capittel Vnd iſt der ſin alſo das indem er
2ſten capitel iſt geſagt von der geburt Em⸗
3brionis jndiſem andern capittel iſt ʒů ler
4nen von der beſchöpfung der geburt vnd
5des kindes inder můter lib Vnd ſpricht
6alſo nach diſen vorgeſchriben dingen ſo
7iſt wider ʒů gend ʒuͦ der beſchöpfung dʼ
8frucht inder froũwen libe die ſelbe ſtatt
9heiſſet matrix Die frucht wirt alſo be⸗
10ſchöpfet inder můter libe Wanne die erſt
11materie empfangen wurt das iſt men
12ſtruum ſo hat ſie ein natur der milch vnd
13iſt geſchaffen als milich / die ersten ſehs
14dage inder froũwen lib / Vnd ʒů der ſelben
15farwe die als milch ist geſchaffen wirck
16et die naturlich hitʒe indem ſamen der
17da von dem mann indie froũwen ist kum
18men ʒů der beſchöpfung der frucht vnd
19die hÿtʒe matricis die wircket ouch dar
20ʒů das die materie wiß wirt als milch
21Darnach wirt die materie der frucht
22verwandelt in ein farwe geſchaffen als
23blůt Das iſt vnd ettwas wol gebacken
24ʒůſamen vnd die ſelbe blůtfarwe die wert
25Nũn tag vnd nach der ſelben ʒit wirt
26ein ſterckung inden glidern der frucht
27vnd das wert ʒwölff tag Darumb
28ouch ʒůwiſſen iſt das der Naturlich
29Meiſter Ariſtotiles ſpricht das ein ieg
30lich dinge vnder den lebendigen ding
31en wirt gemacht von den vier Elementen