1vnd ʒů jnfürn der materie ein ſölich ge⸗
2ſtalt vnd ein ſölich form Vnd alſo wũrt
3ſaturnus geheÿſſen rengnÿeren in der /
4enpfahung des Embrions / das verſten
5ich alſo an diſer ſtatt das rengnÿeren
6mit anders ſÿ wann ÿnflieſſen ein ſölich
7geſtalt die da von keiner andern ſpern
8planeten oder ſternen ingefloſſen mag
9werden vnd kein ander ſtúck des himels
10dar ʒů geborn Jſt das ʒů einer ſölichen
11ʒit vnd ſtund des tages oder der nachte
12der ſaturnus werd geſagt / das er nit
13rengnÿer oder ein ander planet der pla⸗
14neten / das iſt nit von der beroũbung
15ſiner krafft Ein ÿeglicher planet hãtt /
16ſin ÿnflieſſende krafft es iſt dauon / das
17ein ander planet oder ein ander ſtern iſt
18dar ʒů beſchaffen / das er jnflieſſen ma
19ge ein ſölich geſtalt indie materien die
20ſaturnus nit ingeflieſſen mag Wan̄e
21die wirckung der ding die da gewirck
22et ſollen werden die ſelben wirckung
23ſient jn eÿm ding vnd in einer materie
24die da wol da ʒů geordiniert iſt Vnd
25Weres das yeman frẽgt warumb /
26alle die vorgeſchriben ding / einen ſol
27lichen louff haben / So ſoltu antwoꝛten
28das das geſtirn alſo geordiniert iſt
29von der erſten ſach die da von dem an
30fange alle ding geordiniert nach der /
31hohen ordenung Vnd die ſelbe erſt ſach