1das die war iſt bewert Weres das ÿemā
2wölte wiſſen Ob ein froũwe mit eim /
3kinde gee oder nit der ſol der frouwen
4ein tranck geben das von honig vnd von
5waſſer iſt vnd ſol das tranck alſo ge⸗
6macht ſin . Ʒů dem erſten ſoltu nemen
7einen löffel vol húniges vnd einen vol
8lãwes waſſers vnd ſolt das vnder ein
9ander miſchen vnd gib es dann der fro⸗
10wen ʒů trincken eins abents Jſt dann
11der frowen we wirt vmb den nabel /
12vnd ir nit des eÿnne iſt ſie ſchnide et
13was vmb den nabel / ſo gẽt ſie mit eim
14kinde Jſt aber das nit vnd wirt ir nit
15we vmb den nabel ſo gẽt ſie mit keim /
16kinde Vnd wann aber einer das wil
17erfarn von der froũwen der ſol ſprechen
18das der frouwen die ſelbe artʒnÿe mit dem
19hunig vnd mit dem waſſer als vor geſchri
20ben iſt die vertrib einer froũwen ir kranck
21heit die ſie indem höubt hat iſt es ſach
22das ſich / die frouwe beclagt in dem höpt
23Jſt es aber das ir anderßwo we iſt an /
24irem libe ſo ſol er aber ʒů der frouwen
25ſprechen das das uorgeſchriben dranck
26die froũwen helff fúr den ſelben ſiech
27tagen da ſie ſich dann claget an dem
28libe Vnd ſolman ir nútʒit ſagen das
29man damit erfarn wölle ob ſie mit
30eim kinde gẽe oder nit Wann ettlich /
31froũwen ſint als ſchalckhafftig das
32ſie das ſelbe bedencken das ſie ſprechn̄