1geſtalt des menſchen vß der materie des /
2ſamen mag werden Die ander ſach mag /
3man mercken bÿ der arbeit vnd bÿ der be⸗
4wegung die die bant vnd adern ʒerbrech
5en inmatrice das die matrix die frucht
6nit gehaben mag Vnd darumb wirt /
7den froũwen der rãte gegeben das ſie ſich
8ʒů der ʒit ſo ſie mit kinden gende nit vaſt
9ſöllen bewegen mit ſpringen mit dantʒ
10en mit louffen Vnd darumb die alten ʒoů⸗
11bererin die inder bößheit gelert ſint die /
12geben rãt den Ɉungen dochtern die nuwes
13mit kinden ſind worden gẽnd das ſie ſich
14bewegen Vnd ſpringen hieher vnd dort⸗
15hin das in das kint möge abgend ∴
16

Notandum

17Auch Ettlich alt ʒaubererin die ge⸗
18lert ſind inder boßheit die kunnen
19vergifft materie machen das ſie
20die frucht mit tötend Vnd machend das
21den frouwen die kint abegend Vnd den
22frouwen denen die kindelin alſo abgẽnd
23die haben darumb groſſen ſchmertʒn̄
24Darumb tribent ſie vaſt vnkúſcheit das
25ynen die trurekeit vertriben werd mit
26der fröide die Ɉnen dauon kumpt ſo ſie
27vnkúſcheit triben ⁘