1das ſie auch ſchriben daran ich geʒwifelt
2han So findent ſie die Materie dis bůches .
3

Gloſa

4Es iſt ʒůwiſſen das der meiſter Jn
5diſem vorgeſchriben Texte nitt
6anders meint dann das er herʒelet
7hãt alle ſtúck dauon er indiſem bůch ge⸗
8ſagt hat Dis vorgeſchriben ding alſo ver⸗
9num̄en vnd volbracht So ende ich hie
10dis bůch vnd gebe gott danck vnd lõne
11Der dis Bůch höret vnd verſtẽt wúrt
12Erlúchtet vor ander lůt Die aber dis bůch
13nit gelernt habent die ſient glich die da
14nit wiſſent wo ſie hin gẽnd an dem wege ·
15ſo ſie wandeln Als geſprochen wúrt jn
16dem Andern Bůch methaphiſice Nũn
17Sag ich gnad vnd danck gott von dem / das
18jn diſem Bůch wol geſagt iſt Vnd bitte /
19gnãden von dem das úbel geretd iſt Jſt
20das ettlich ding ſient daran v́bel geretd
21ſÿ Demůteglichen Růff ich an hilff der
22göttlichen gnaden von der gnãden ein ieg-
23lich wÿßheit vff gegan̄gen iſt Vnd geboꝛn .
24Vnd das öwig leben ʒů dem öwigen le⸗
25ben ſol vns fürn der Allmeͣchtig gott der
26vol eren iſt vnd der gewaltig gott der /
27mit gott dem · vatter lebt . Amen
28Deo gratias